Við ósa Blöndu eru 3 hugguleg og vel útbúin smáhýsi. Stutt frá þeim er lítið kaffihús og bar með mikinn karakter sem kallast Ljón norðursins. Hýsin eru skemmtilega hönnuð og vel gerð og andrúmsloftið á svæðinu skapar stemningu sem lætur engan ósnortinn.

Staðurinn er rekinn af Jónasi Skaftasyni en hann býður einnig upp á skemmtilegar ferðir í sela- og náttúruskoðun út á Skaga. Ferðirnar kallar hann „Göngum á vit Kálshamarsvík“

Á svæðinu er einnig tjaldsvæði. Kjörið er að halda ættarmót, ráðstefnur, námskeið, veislur, fermingar eða aðrar uppákomur á Blönduósi í þeirri góðu aðstöðu sem þar er að finna.

Verið hjartanlega velkomin.