Adrenalingarðurinn hefur á undanförnum árum verið vinsæll sem viðbót við fundi og ráðstefnur. Í garðinum felst bæði afþreying og hópefli, en hann býður upp á útivist, áskorun, gleði og hvatningu sem hentar vel fyrir hópa.

Adrenalingarðurinn hefur ýmist verið notaður fyrir, eftir eða á milli funda allt eftir því hvað hentar hverju sinni. Hægt er að bæta við leikjum og verkefnum á jörðu niðri sem miða enn meira að því að hópurinn vinni saman. 

Hótel Hengill Nesjavöllum  Um það bil 700 metra frá Adrenalingarðinum er Hótel Hengill. Hótelið er fallega staðsett í hlíðum Hengils og er fallegt útsýni frá hótelinu yfir Þingvallavatn og fjöllin í kring. Á hótelinu er fundarsalur sem tekur allt að 50 manns í sæti. Salurinn er vel útbúinn nýjustu tækni og hentar vel til fundarhalda eða fyrir aðra viðburði. Vegna nálægðar við Adrenalingarðinn hentar þrautabrautin sérstaklega vel þegar brjóta þarf upp fundi eða vinnustofur. www.hotelhengill.is


Adrenalingarðurinn á Nesjavöllum
býður upp á skemmtilega, og ekki síst uppbyggilega afþreyingu og útivist í fallegri náttúru.

Adrenalingarðurinn hefur sannað sig sem góð leið til að efla hópandann. Hann hentar því vel fyrir ýmsa hópa s.s. starfsmenn fyrirtækja, vinahópa og skólahópa. Í garðinum fær fólk óviðjafnanlegt tækifæri til að upplifa gleði, styrkleika og hvatningu, að ógleymdri útivistinni.

Hellaferðir
Leiðarendi er einstaklega litskrúðugt náttúruundur. Hellirinn er um 2000 ára gamall og hafa dropasteinar, separ, hraunstrá og aðrar jarðmyndanir lítið breyst.

Gjábakkahellir er hluti af geysimikilli hrauná sem rann neðanjarðar í síðasta gosi á Þingvöllum. Leiðarlýsingin er álíka dularfull og ferð á annað tilverustig "Þið haldið eftir löngum dimmum göngum þar til þið sjáið bjart, hvítt ljós framundan".

Aðrir hellar Adrenalín getur útvegað leiðsögn og útbúnað í ýmsa hella víða um land. Þar mætti nefna Raufarhólshelli, Arnaker, Surtshelli og marga fleiri.

Ratleikir
Hvernig væri að þjappa hópnum þínum saman með því að fara í skemmtilegan ratleik? Ratleikirnir eru ekki tímakeppni, heldur snýst leikurinn eingöngu um að finna lausnir á gátunum. Hægt er að nota alla leikina sem keppni og/eða afþreyingu.

Jöklaganga á Sólheimajökli
Klassísk jöklaganga - eins og þær gerast bestar.

Jöklaganga á Sólheimajökli er raunverulegur könnunarleiðangur þar sem hreyfing jökulsins og bráðnun, breyta honum í sífellu.

Við göngum um kristalblátt völundarhús sem mótað er af vatni, bráðnun og framskriði jökulsins. Landformin eru fjölbreytt, djúpir svelgir, íshellar og undarleg göng.