Norræna húsið býður upp á góða aðstöðu til funda- og ráðstefnuhalds í fallegu umhverfi. Húsakynni sem og húsbúnaður er  teiknað af Alvar Aalto sem er einn af merkustu arkitektum 20. aldarinnar og gefur hverju tilefni sérstakan blæ.

Salurinn
Gengið er beint inn í salinn frá rúmgóðu anddyri, en þar er einnig að finna veitingastað, bókasafn og aðgengi í sýningarsal.

Í salnum er mikil lofthæð og gluggi sem hleypir dagsbirtu inn og tveir inngangar.

Hægt að raða upp húsbúnaði í samræmi við þarfir hvers og eins til að mynda leikhúsuppstillingu, hringborð eða í skólastofuuppstillingu.

Hentar vel til funda-, ráðstefnu og tónleikahalds eða til kvikmyndasýninga.

Ýmis konar tækjabúnaður er til reiðu: ræðupúlt, hljóðkerfi, hljóðnemar fyrir pallborð, skjávarpi, fartölva, myndbandstæki og stórt tjald, sjónvarp, myndvarpi, litskyggnuvél, segulbandstæki, flettitafla og pennatafla.

Á sömu hæð er fundarherbergi sem nýtist vel fyrir minni fundi eða hópavinnu og á neðri hæð hússins eru tveir rúmgóðir salir sem henta vel fyrir móttökur, kynningar eða sýningar.

Norræna húsið

Mikið og öflugt menningarstarf er unnið í Norrænahúsinu, þar er gott bókasafn, sýningarsalir og þar er veitingastaðurinn AALTO Bistro  sem býður upp á spennandi matseðil fyrir hópa hvort sem er í hádegi, kaffitíma eða á kvöldin.