Hannesarholt er  áhugaverður valkostur fyrir fundi, námskeið, málþing, minni ráðstefnur og aðrar uppbyggjandi samkomur.

Fundar- og veisluaðstaða fyrir allt að 8 manns
Rauða herbergið er einstaklega friðsæll og notalegur staður til að halda fund eða veislu í góðu næði.

Herbergið tekur 8 manns við borð og hentar vel fyrir fundi með eða án veitinga, hádegisverðarfund í góðu næði eða veislu í góðu næði.

Í salnum er þráðlaust net og tafla til að skrifa á sé þess óskað.

Á fjórum hæðum hússins eru ýmsar vistarverur sem henta ólíkum aðstæðum.

Baðstofuloft á 3.hæð, tvö fundarherbergi, Rauða herbergið og Hvíta herbergið auk arinstofu á 2. hæð, Veitingahúsið í Hannesarholti á 1. hæð og 100 fermetra salur í viðbyggingu að húsabaki. 

Tónlistar- og fyrirlestrarsalurinn Hljóðberg
Í viðbyggingu (gengið inn frá Skálholtsstíg) er nýr og vandaður fjölnota salur, sérstaklega hannaður til tónlistarflutnings.

Hljóðberg hentar einnig vel til fyrirlestrahalds, sýninga og annarra minni viðburða.