Mýrin Brasserie er einstakur veitingastaður með tvo veislusalir í miðbæ Reykjavíkur, staðsettur í Héðinshúsi, þar sem áður var stálsmiðjan Héðinn og Héðinn Kitchen and Bar . Húsið hefur allt verið endurhannað og breytt í einn af flottari veitingastöðum borgarinnar.

Þegar gengið er inn blasir við notaleg setustofa og bar, þar geta gestir slakað á notið þess að fá sér drykk fyrir mat. Inn af setustofu er veitingastaðurinn sem og tveir rúmgóðir og glæsilegir einkasalir er nefnast Hamar og Steðji.

Salirnir rúma 40 manns til borðs hvor fyrir sig en með því að opna á milli þeirra rúmar salurinn 80 manns til borðs. Auðveldlega er hægt að hafa fleiri gesti ef um standandi veisluhald er að ræða eða þá fundi með leikhúsuppstillingu á sætum.

Mikil lofthæð og háir gluggar hleypa fallegri birtu inn í rýmið sem gerir salina einstaklega glæsilega og að spennandi kosti fyrir veislur og fundi.

Veitingar
Mýrin Brasserie státar af vönduðu veislueldhúsi þar sem landsliðskokkar ásamt öðrum framúrskarandi matreiðslumeisturum galdra fram ljúffengar og fjölbreyttar veitingar. Mikið er lagt upp úr hágæða árstíðabundnu hráefni og góðum sérvöldum vínum með.

Mögulegt er að velja spennandi hópmatseðla og fá sérvalin vín með matnum sem sérsniðna upplifun fyrir hópa.

Salirnir henta vel fyrir brúðkaup, árshátíðar, útskriftarveislur og fermingar. Einnig fyrir fyrirtækjaskemmtanir, fundir og ráðstefnur.

Salirnir er líka frábær kostur fyrir vinahópa sem vilja einkarými til að fara út að borða saman í næði í glæsilegu og spennandi umhverfi.

Athugið! Mýrin Brasserie býður aðeins upp á sali með veitingum.