Arinstofan
Í Arinstofunni í risi veitingahússins Búðarkletts er góð aðstaða fyrir litla fundi. Undir ljósmálaðri súðinni er afar gott andrúmsloft.

Loftbitarnir í Arinstofu eru meira en 100 ára gamlir – nútímalegur arinn og kvistgluggar gera þetta rými einstaklega hlýlegt.

Salurinn tekur 40 – 50 manns í sæti við uppdekkuð borð. Hentar einnig vel fyrir litla fundi. Laus skjávarpi er til reiðu og netsamband.

Landnámssetrið
Landnámssetrið er staðsett í elstu húsum Borgarness. Verslunarhúsinu/Búðarkletti  (byggt 1877-79) og Pakkhúsinu (byggt 1884.) Þau eru í dag tengd með nýrri tengibyggingu sem við nefnum Skálann. Þar er móttaka og gjafavöruverslun Landnámsseturs. 

Gamla verslunarhúsið er í dag veitingahús Landnásseturs og Pakkhúsið hýsir sýningar setursins. Á efsta lofti Pakkhúsins er lítið leikhús sem við nefnum Söguloft. Auk þess eru tvær hæðir í Pakkhúsinu sem hýsa sýningar um landnám Íslands og Egil sögu. Þær er alltaf hægt að skoða með hljóðleiðsögn sem til er á 10 tungumálum auk sérstakrar barnaleiðsagnar á íslensku.

Salir Landnámssetursins eru í sögufrægum húsum og skapar það einstakt andrúmsloft. Fjölbreytt afþreying er á setrinu, sambland af sögulegum fróðleik og skemmtun. Veitingahúsið á staðnum býður upp á ljúffengan mat með hollustu að leiðarljósi og auðvelt er að fá góða gistingu í nágrenninu

Vinnudagur í öllum rýmum
Það er algengt að stofnanir og félög geri sér vinnufund hjá okkur allan daginn, sem verður þá sambland af vinnu, hópefli og skemmtun. Þá er gjarnan byrjað með sameiginlegum fyrirlestrum á Sögulofti. Hádegismatur í Hvíta salnum. Skipt upp í hópa á Sögulofti og Arinstofu. Síðan er ýmis afþreying í boði, td að skoða sýningar Landnámsseturs, fara í leiðsögn um Egilsslóð eða Ratleik Landnámsseturs, sem er skemmtileg útivera og passleg áreynsla bæði fyrir líkama og sál.  Síðan er hægt að snæða  kvölverð í Hvítasal og sjá leiksýningu á Sögulofti um kvöldið áður en haldið er í bæinn.
 
Hafiði endilega samband um frekari upplýsingar í aðalsíma Landnámsseturs 4371600.  Starfsfólk okkar mun verða ykkur innan handar um að leggja upp dagskrá fyrir góðan dag í Borgarnesi.